Премиерот Никола Груевски и министрите Никола Попоски и Џери Наумоф, кои се во посета на Израел, учествувале и се обратиле на бизнис-форум во Ерусалим.
На форумот имало претставници на израелски компании од областа на земјоделството, енергетиката, туризмот и од областа на медицината.
Владината делегација ги презентирала условите за инвестирање и за водење на бизнис во Македонија.
Членот на Израелската комора на индустријалци, Шломо Гризани, најавил соработка со македонски компании од областа на земјоделството, инвестирање во технологија, човечки ресурси, но и во туризмот.
За следната година се најавиле и чартер-летови меѓу двете земји.