Претседателот на Македонија Ѓорге Иванов го прифатил барањето за средба кое утринава му го упатија ЗНМ, Самостојниот синдикат на новинарите и медиумските работници, Македонскиот институт за медиуми, Советот на етика на медиумите и Институтот за комуникациски студии.
Иванов смета дека медиумите мора да се изборат за најдобрите законски решенија, кои ќе овозможат враќање на нивниот професионализам, достоинство и углед на нивната професија и дека сите институции и субјекти треба да им дадат безрезервна поддршка во тоа.
Претседателот Иванов е со став дека е неопходна согласност околу реформите во медиумската сфера бидејќи медиумите се еден од најважните столбови на демократијата во земјава, репер за нејзиниот развој и најсилниот ревизор за работењето на институциите.
