Полицијата во Турција досега уапсила вкупно 11 лица кои биле поврзани со вчерашниот терористички напад во Анкара во кој загинаа 37 лица, а 120 се повредени.
Ахмет Давутоглу, премиерот на Турција изјави дека постојат многу сериозни податоци, според кои нападот е извршен од курдски бунтовници.
Тој потврди дека Турција извршила воздушни напади против кампови на Курдската работничка партија (ПКК) во северниот дел на Ирак, откако биле утврдени напаѓачите во Анкара.
Се уште никој не ја презел одговорноста за вчерашниот напад со автомобил – бомба.
Давутоглу вети дека Турција ќе продолжи со борбата против бунтовниците.
Како што изјави премиерот на Турција, досега идентификувани се 34 од жртвите во вчерашниот напад, а продолжуваат ДНК анализите на двајцата наводи извршители на нападот.
