Воздухопловните сили на Ирак денеска го бомбардирале конвојот на лидерот на Исламска држава, Абу Бакр ел Багдади, во западната провинција Анбар, соопшти ирачката војска.
Засега не се знае каква е судбината лидерот на терористичката организација, која прогласи калифат на подрачјата што се под контрола на ИД.
Во соопштението се наведува дека бомбардирано е и местото во Карбала, каде Багдади денеска требало да се сретне со командантите на ИД.
Во бомбардирањето, убиени и ранети се повеќе лидери на ИД, но не е позната здравствената состојба на Багдади, кој со возило успеал да побегне, соопшти војската.
ИД под своја контрола држи делови од Сирија и од Ирак, а во јуни прогласи калифат на оваа територија. Багдади ги прифати заклетвите на своите приврзници во Либија, Египет, Јемен, Саудиска Арабија и во Алжир.