Хрватските власти испратиле дополнителни полициски сили на границата со Србија, по најавата на Австрија дека ја зајакнува контролата поради приливот на мигранти на балканскиот пат кон Европа.
„Хрватска испрати дополнителни гранични сили, кои ќе го набљудуваат реонот долж и околу границата со Србија“, се наведува во полициското соопштение и се додава дека претставниците на МВР на Австрија, Словенија, Хрватска, Србија и на Македонија ќе остварат средба на 18 февруари во Загреб, на која ќе ја разгледаат сегашната ситуација и можните решенија за мигрантската криза.
