Амбасадорот на САД во Македонија, Џес Бејли, и евроамбасадорот Аиво Орав им се приклучија на преговарачите од работните групи за законот за медиуми во Клубот на пратеници.
Дипломатите ќе се обидат да извршат притисок врз политичките партии за побрзо решавање на ова прашање.
Пред почетокот на средбата, белгискиот олеснувач Питер Ванхауте рече дека се надева на решение, иако не е оптимист.
– Ќе разговараме за сите предлози од политичките партии, новинарските здруженија и од организациите. Свесен сум дека има малку време, но ќе дадеме сè од себе да го затвориме и ова прашање – изјави Ванхауте.
Засега ВМРО-ДПМНЕ останува на ставот да се преземе кој било европски закон и да се имплементира во македонското законодавство, додека СДСМ и ЗНМ го прифаќаат предлогот на Ванхауте.
