fbpx

Кривична пријава против вработена во СВР Скопје, примала мито од 12.500 евра

Вработената била фатена во моментот на примање на 12.500 евра, кои претходно биле криминалистички обработени. Парите ѝ биле давани за наводно посредување за добивање на социјални станови

-

Поднесена е кривична пријава против 41-годишната И.М. од селото Буковиќ во скопската општина Сарај, а која била вработена во СВР Скопје, поради постоење основи на сомнение за сторени кривични дела измама, информираше денеска Министерството за внатрешни работи (МВР).

Полицијата постапувала по пријава од три оштетени лица, а вработената во СВР Скопје вчера била фатена во моментот на примање на 12.500 евра, кои претходно биле криминалистички обработени. Парите на пријавената ѝ биле давани за наводно посредување за добивање на социјални станови од Б категорија.

„Во врска со делото, извршен е претрес во службените простории кои ги користела пријавената, при што е пронајдена сомнителна документација која е поврзана со кривичното дело, документи за кои постои сомнение дека се фалсификувани, договори за позајмици, договори за посредување за доделување на социјални станови, имотни листови, како и тефтер со ракопис во кој е водена евиденција за лица за кои биле вршени определени работи“, стои во соопштението на МВР.

Исто така, при претрес во домот на И.М. во селото Буковиќ, биле пронајдени и одземени огнено оружје и муниција.

На осомничената ѝ се определени мерки на претпазливост – одземање на патната исправа и забрана за напуштање на Град Скопје.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Избран новиот владин кабинет, Мицкоски рече дека мора да ја користи „срамната придавка Северна“

Собранието на Република Северна Македонија, со 77 гласа „за“ и 22 „против“, ја избра новата Влада, чиј состав го предложи новоизбраниот премиер Христијан Мицкоски. Против Владата гласаа пратениците од...