fbpx

Пронашле граната и ја однеле во полиција, ЦУК апелира да не се допираат неексплодираните средства

Кога граѓаните ќе најдат какви било неексплодирани средства или остатоци, да не ги допираат и поместуваат и, наместо тоа, да пријават на телефонскиот број 112, велат од ЦУК

-

Граната за која се претпоставува дека е од Првата светска војна вчера била однесена во полициската станица во Берово, соопшти Центарот за управување со кризи (ЦУК), предупредувајќи дека ваквата постапка е несоодветна и ризична.

Неексплодираната граната била преземена од страна на пиротехничар за понатамошно уништување.

„Вчера во 12:30 часот во станицата на Полициска станица Берово беше донесено неексплодирано убојно средство, а се претпоставува дека е од Прва светска војна. Веднаш потоа беше преземено од страна на пиротехничар од ДЗС Берово за негово уништување“, информираа од ЦУК.

Центарот за управување со кризи вели дека ваквата постапка е небезбедна за луѓето и за околината. Од таму апелираат кога граѓаните ќе најдат какви било неексплодирани средства или остатоци, да не ги допираат и поместуваат и, наместо тоа, да пријават на телефонскиот број 112 во ЦУК.

„Ваквата постапка можеби изгледа правилна, но е несоодветна од безбедносен аспект. Граѓаните заради своја безбедност и на околината околу нив, треба да постапуваат согласно безбедносните препораки при вакви случаи. Кога ќе пронајдат какви било неексплодирани убојни средства (НУС) или остатоци од минатите војни, препорака до граѓаните е да не ги фаќаат и поместуваат, туку едноставно да се јават во ЦУК и со НУС ќе се постапува според стандардните оперативни процедури за вакви случаи од страна на професионалци – пиротехничари, безбедноо за нив и за сите во нивната околина“, велат од Центарот за управување со кризи.

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Старо видео од протест во Истанбул, споделено како ново по нападот врз Рафах на 26 мај

Турските медиуми не објавија за ниту еден протест пред конзулатот на Израел во Истанбул по воздушниот напад на Рафах на 26 мај. Новинската агенција Демирен на 27 мај објави...