Европскиот парламент инсистира сите политички партии да останат посветени на исполнување на сите аспекти од Договорот од Пржино, изјави за „Мета“ европратеникот Ричард Ховит, еден од тројцата медијаторите кои денеска се сретнаа со политичките партии пред истекот на синоќешниот краен рок.
– Жалиме за пропуштената можност да се најде консензус меѓу сите партии. Се надеваме дека проблемот за кој денеска медијаторите разговараа со партиите ќе помогне во идентификувањето на критичните проблеми кои се уште можат да бидат основа за постигнување конечен договор и да овозможат новите избори да бидат веродостојни – рече Ховит.
Европратеникот на својот твитер-профил напиша дека во заедничката изјава на ЕУ и САД се вели дека „медиумските реформи се уште се дел од изборниот процес и потребна е напорна работа за изборите да бидат веродостојни.
fYR #Macedonia talks. Note EU/US statement said ‘media reform still part of electoral process’ & ‘hard work if elections to be credible.’
— Richard Howitt MEP (@richardhowitt) February 24, 2016
Европратениците Ричард Ховит, Иво Вајгл и Едвард Кукан вчера во текот на денот имаа средби со политичките партии со цел да ги приближат нивните ставови за датумот на изборите.
