Еврокомесарот за проширување и за добрососедска политика, Јоханес Хан, денеска изјави дека новоизбраниот претседател на Србија, Александар Вучиќ, има обврска мудро да ја користи власта по убедливата победа на изборите.
Хан рече дека Вучиќ има „одговорност внимателно да ја користи поддршката што ја добил“ и дека верува во уверувањата на Вучиќ за целосно почитување на уставот.
Еврокомесарот синоќа преку „Твитер“ му ја честиташе победата на Вучиќ и наведе дека очекува соработка со новиот претседател на Србија како „пријател и партнер во пристапувањето во ЕУ“.
Досега пребројаните гласови потврдија дека Вучиќ победил во првиот круг од изборите.
