Првата пратка помош од Грција за подрачјата погодени од поплавите во Скопје и околината треба да пристигне попладнево, соопштија од Канцеларијата за врски на Грција во Скопје.
Оттаму прецизираат дека генералниот секретаријат за цивилна заштита во соработка со грчката противпожарна бригада во земјава испраќаат пет преносни пумпи за вода и пет генератори за струја како помош за погодените од поплавите.
Истовремено, додаваат од грчката канцеларија за врски, во тек се консултации меѓу Министерството за цивилна заштита на Грција и Министерството за внатрешни работи на Македонија за доделување на дополнителна помош што им е потребна на властите во земјава за справувње со последиците од поплавите.
„Втората пратка со помош од Грција е предвидено да биде испратена утре“, стои во соопштението од грчката канцеларија за врски.
