Грчката полиција утринава уапси 14 лица и растера група анархисти во Атина кои се обидуваа да извршат притисок врз грчката влада, окупирајќи го Ректоратот 19 дена.
Полицијата ја изврши утринската акција по наредба на обвинителството и тоа еден ден откако парламентот првпат се изјасни за нацрт-законот со кој се укинуваат затворите со високи безбедносни мерки.
Анархистите се обидуваат да извршат притисок на грчката влада да ги укине казнените мерки кои од безбедносни причини ги воведе претходната влада.
Синоќа пред зградата на Ректоратот дојде до мал судир меѓу анархистите и полицијата.
Анархистите го зголемуваат притисокот врз владата на Алексис Ципрас со насилни акции и со често заземање државни институции или простории на партијата СИРИЗА.