Војници од специјалните сили „волци“ на АРМ штотуку завршија воена вежба во Албанија, ренџери од Полкот за специјални операции учествуваат на американска регионална вежба во Хрватска, а пред нив, на истата вежба, но во Словенија, учествуваше вод од баталјонот за противвоздушна одбрана. Годинава 2.300 војници на АРМ учествуваат на 30 воени вежби од Шпанија до Грузија, вклучувајќи и две во Македонија.
Две од вежбите ќе се одржат во земјава. „Одлучен удар“, која почнува на 5 јуни, ќе биде најголема теренска вежба во историјата на АРМ, а во октомври земјава ќе биде домаќин и на голема регионална штабна вежба на НАТО, „РЕГЕКС“.