Европската комисија покренала официјална истрага околу договорот на „Мекдоналдс“ со Луксембург, поради сомнеж дека благодарение на него компанијата плаќала помали даноци од оние што се предвидени во согласност со законите и правилата на Европската унија (ЕУ).
Како што пренесува ХРТ, работничките синдикати неодамна го обвинија „Мекдоналдс“ дека избегнал плаќање на околу една милијарда евра данок во периодот од 2009 до 2013 година, насочувајќи ги приходите кон својата луксембуршка филијала и ги повикаа европските власти да отворат истрага против синџирот на ресторани за брза храна.
Информацијата за отворањето на истрагата ја потврди и Европската комисија на својот твитер-профил.
We have opened formal investigation into Luxembourg’s tax treatment of #McDonalds https://t.co/wMxGB286NI pic.twitter.com/SGids8lAuC
— European Commission (@EU_Commission) December 3, 2015
Од „Мекдоналдс“, во меѓувреме, соопштиле дека немаат сознанија за каква било истрага на Европската унија против нив и дека ги почитуваат сите закони и прописи на ЕУ.
