Две експлозии одекнале во муслимански кварт во Брисел, во кој полицијата се обидува да најде терористи осомничени за учество во нападот во Париз.
„Си-Ен-Ен“ наведува дека станува збор за контролирани експлозии, кои ги предизвикала полицијата, но засега нема потврда за ова. Потрагата за терористот е завршена, а белгиските власти демантираа дека Салах Абдеслам е уапсен како што претходно јавија белгиските медиуми.
Полицијата го бараше 26-годишникот, кој е во бегство од саботата, кога се утврди дека учествувал во нападите во француската престолнина, при што загинаа 129 лица.
Акцијата на полицијата е спроведена во квартот Моленбек, кој се смета за легло на радикалните исламисти.
Сиромашнот дел на Моленбек е во центарот на истрагата откако беше објавено дека двајца напаѓачи од терористичкиот напад во Париз живееле во тој дел на Брисел.
https://twitter.com/Georg_Heil/status/666191038705455104/photo/1
https://twitter.com/paulrbrennan/status/666189531700469760/photo/1
https://twitter.com/EuroSandor/status/666194939705991169/photo/1