Министерството за здравство планира започнување на скрининг за карцином на дебело црево од 2024 година кое ќе се изведува исклучиво само на ЈЗУ Клиника за ГЕХ.
Во склоп на националните програми има и превентивна програма за детекција и скрининг на малигни заболувања. Оваа програма, освен што опфаќа скрининг за рана детекција и скрининг за рак на дојка, опфаќа и скрининг за карциноми на грлото на матката.
На скрининг ова година биле пријавени 10.000 пациентки, додека реализирани биле 4.900 скрининг мамографии. Од Министерството за здравство апелираат жените кои ги добиваат пораките преку телефонски број да ги почитуваат термините, а доколку не се во можност да одат на терминот, истиот да го откажат со цел да се предаде терминот на друга пациентка.
