Регулаторната комисија за енергетика и водни услуги на Република Северна Македонија (РКЕВУ) донесе одлука за поскапување на дизел горивото и на екстра-лесното масло за домаќинство за 2 денара по литар. Цените на бензините и на мазутот, нема да се менуваат и остануваат на нивото што РКЕВУ го одреди во понеделникот.
Од Комисијата велат оти одлуката за поскапување на дизелот и екстра-лесното масло се темели на зголемувањето на референтните цени на нафтените деривати на светскиот пазар во споредба со претходната пресметка, и тоа кај бензините во просек за 0,179%, кај дизелот за 3,807%, кај екстра лесното масло зголемување во просек за 3,803% и кај мазутот намалување во просек за околу 1,760%.
Од полноќ, цените на нафтените деривати ќе изнесуваат:
-
– Моторен бензин – ЕУРОСУПЕР БС – 95
–
88,5 денари/литар
– Моторен бензин – ЕУРОСУПЕР БС – 98
–
91 денари/литар
– Дизел гориво – ЕУРОДИЗЕЛ БС (Д-Е V)
–
92 денари/литар
– Масло за горење – Екстра лесно 1 (ЕЛ-1)
–
88,5 денари/литар
– Мазут М-1 НС
–
52,814 денари/килограм
