Четири лица биле убиени во пукањето што се случило во Филаделфија, главниот град на американската сојузна држава Пенсилванија, извести полицијата. Три од четирите жртви имале меѓу 20 и 59 години, а четвртата жртва имала меѓу 16 и 21 година, пишува Би-би-си.
Дополнително, полицијата извести дека две деца на двегодишна и 13-годишна возраст, биле повредени во пукањето. По примањето во болница, тие се во стабилна здравствена состојба.
Осомничениот напаѓач е во притвор, а пронајдено е и оружјето со кое пукал. Според податоци од полицијата, се смета дека тој има околу 40 години, а за време на нападот носел панцир и имал повеќе шаржери и континуирано пукал додека полицијата го гонела. Засега не се познати неговите мотиви.
Уште едно лице е приведено, за кое се смета дека пукал во правецот на напаѓачот.
Овој напад се случи само еден ден по пукањето во Балтимор, во сојузната држава Мериленд, каде починаа две лица и 28 лица биле повредени, од кои половина биле деца.
