Амбасадата на Велика Британија во Скопје реагираше во врска со масовното прислушување и со објавените снимки од страна на претседателот на опозицијата, Зоран Заев.
„Не коментираме прашања во однос на нашите приватни разговори. Сепак, има сериозни тврдења за злоупотреба на моќ, криминални дејства и степен на влијание на македонските тајни служби во политиката, медиумите, судството и во други аспекти на секојдневниот живот. Во таа насока, Обединетото Кралство ги повикува македонската Влада и институции целосно да ги истражат овие наводи и да се почитуваат принципите на владеење на правото“, велат од британската амбасада во Скопје.