Шест војници загинаа откако автомобил-бомба експлодира на контролен пункт пред резиденцијата на јеменскиот претседател, соопштија локалните власти.
Се проценува дека нападот бил насочен кон конвој кој влегувал во комплексот на резиденцијата во градот Аден, на југот на Јемен, а во кој се наоѓал и градоначалникот на градот, Аидарус ел Зубаиди.
Ел Зубаиди минал без повредни, а светските агенции јавуваат дека повредени се десет припадници на претседателската гарда.
Претседателот Хади е стациониран во Аден, вториот по големина град во Јемен, откако бунтовниците Хути и силите лојални на поранешниот јеменски претседател ја зазедоа престолнината Сана.
За време на конфликтот, кој трае девет месеци, загинаа околу 6.000 лица.