Одлука со која се врши зголемување на малопродажните цени на нафтените деривати на бензинските пумпи во просек за 0,03 отсто донесе Регулаторната комисија за енергетика и водни услуги (РКЕВУ).
Согласно најновата одлука која ќе важи од полноќ, бензините Еуросупер БС-95 и Еуросупер БС-98 ќе поевтинат за половина денар, додека Еуродизел и Екстра-лесното масло за домаќинство ќе поскапат за половина денар за литар.
Од полноќ, максималните цени на нафтените деривати ќе изнесуваат: 80 денари за литар за бензинот Еуросупер БС-95, 82 денари за литар за бензинот Еуросупер БС-98, 71 денари за литар Еуродизел, 69 денари за литар Екстра лесно масло ЕЛ 1, додека мазутот ќе се продава по цена од 41,007 денари за килограм.