fbpx

Бејли и Орав: На 6 април се пропушти можност за подготовка на веродостојни избори

-

Македонските политичките лидери имаат одговорност пред своите граѓани да ја вратат земјата на евроатлантскиот пат преку спроведување на нивните политички договори и на реформските приоритети, порачаa американскиот амбасадор Џес Бејли и евроамбасадорот Аиво Орав.

„ЕУ и САД ги поддржуваат сите партии и другите учесници во процесот во нивната работа за создавање услови за веродостојни избори. Ова подразбира прочистување на избирачкиот список, спречување на каква било форма на заплашување или притисок врз гласачите и обезбедување на фер медиумско покривање. Извесен прогрес е направен на овие полиња, но останува уште многу работа. Одговорност е, не само на државните институции да подготват веродостојни избори, туку и на политичките партии. На 6 април се пропушти таква можност“, стои во заедничката изјава.

Амбасадорите велат дека ЕУ и САД, заедно со другите меѓународни партнери, ќе продолжат да поддржуваат демократски развој, што вклучува и избори.

„Ја поздравуваме работата на Државната изборна комисија, како и напорите на граѓанското општество за напредување кон оваа цел. Одблиску ќе ги следиме случувањата и ќе продолжиме да ги споделуваме нашите гледишта“, стои во изјавата.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Пред матурантите од СОС Детско село се отвора нова животна страница

Христина, Мартина и Ибраим се дел од седумте матуранти во СОС Детско село оваа година. Овие луѓе, освен што слават матура, слават и многу повеќе од крајот на образованието. „Растејќи...