Илјадници бегалци неконтролирано влегоа од границата на Словенија во Австрија. Новодојдените бегалци се споија со тие што веќе беа на територијата на Австрија, формираа колона од повеќе од 5.000 луѓе и почнаа пеш да се движат кон Грац.
Властите велат дека полицијата цел ден се обидувала да воведе некаков ред на границата, но нивните обиди биле безуспешни.
– Постои голем ризик за бегалците, за луѓето, бидејќи за оние кои неконтролирано и без ред ја минуваат границата, безбедноста во земјата не може да биде гарантирана. Затоа мора да го воспоставимее редот уште на граница, а потоа да ги згрижиме во центрите – изјави Фриц Грундинг, портпарол на полицијата на Австрија.