fbpx

Автобуската несреќа на „Беса транс“ со 45 жртви главна вест во светските медиуми

-

Несреќата во соседна Бугарија ноќеска, кога во пожарот на автобус на „Беса транс“ од Рашче, Скопје, животите ги загубија 45 лица е во главните вести на најпознатите и највлијателните светски медиуми и на новинските агенции.

Ројтерс, АФП, Дојче Веле, Си-Ен-Ен, Би-Би-Си во сервисите на англиски јазик известуваат за големата несреќа, изнесувајќи ги фактите и наводите за несреќата пласирани преку медиумите во Северна Македонија и во Бугарија.

Вестите со часови стојат на главните страници на некои од највидните медиуми.

Скриншот од CNN на англиски јазик

„12 деца меѓу 45-те луѓе што загинаа во пожар во автобус во Бугарија“, е насловот на веста на Си-Ен-Ен, која се повикува и на Ројтерс.

Би-Би-Си во насловот на својата главна вест пишува за десетици загинати во автобуска несреќа на автопат во Бугарија, наведувајќи дека „најмалку 46 лица, од кои 12 деца, загинале кога се запалил автобусот што се враќал кон Северна Македонија“.

Скриншот од сервисот на Дојче Веле на англиски јазик

Со наслов: „Бугарија: Во автобуска несреќа, десетици загинати“ излезе и Дојче Веле во својот сервис на англиски јазик.

Вестите за несреќата во која загина речиси цел автобус патници – освен седуммина што се спасија – и понатаму добива нови дополнувања на информациите, пренесувајќи ги извештаите на македонските и бугарските медиуми, како и на клучните органи на двете држави.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Невистинито: На фотографијата не се жени кои ги пријавиле сопрузите за мобилизација во украинската војска

На фотографијата не се прикажани жени кои биле наградени затоа што ги пријавиле своите сопрузи во војска, туку жени од урбаната заедница Лозова кои изработиле и спровеле голем проект...