Странските амбасадори во земјава испратија сочувство по трагичната автобуска несреќа што утрово се случи во Бугарија, во која животот го загубија 45 лица.
Амбасадорката на Обединетото Кралство, Рејчел Галовеј изрази длабоко жалење за утринската вест за загинатите лица во трагичната автобуска несреќа во Бугарија.
Deeply saddened by the news this morning of those who died in the tragic bus accident in Bulgaria. My sincere condolences to family and friends of those who lost their lives and hope for full recovery of the injured.
— Amb Rachel Galloway (@RGallowayUK) November 23, 2021
„Мое искрено сочувство до семејствата и пријателите на оние кои ги изгубија животите и се надевам на целосно опоравување на повредените“, напиша на Твитер амбасадорката Галовеј.
Амбасадорката на САД во Скопје, Кејт Мари Брнз од името на американската амбасада упати најдлабоко сочувство до семејствата кои ги загубија најблиските, поддршка до оние кои беа повредени и до сите оние кои се ожалостени за трагичната автобуска несреќа.
On behalf of US Embassy community, I want to extend our deepest condolences to the families who have lost loved ones, & our support to those who were injured & whose hearts ache from learning about the tragic bus accident. Our thoughts are with all of you in this difficult time.
— Ambassador Kate Byrnes (@USAmbNMacedonia) November 23, 2021
„Нашите мисли се со сите вас во ова тешко време“, напиша американската амбасадорка Кејт Мари Брнз.
И амбасадорот на ЕУ, Дејвид Гир на Твитер излезе со сочувство кон настраданите лица.
Our thoughts, at this time, are with the families and friends of those who died in the tragic bus accident in Bulgaria early this morning. Wishing a full and rapid recovery to those who are injured.
— EU Ambassador David Geer (@AmbassadorEU) November 23, 2021
„Нашите мисли, во овој момент, се со семејствата и пријателите на загинатите во трагичната автобуска несреќа во Бугарија рано утрово. На повредените им посакуваме целосно и брзо закрепнување“, напиша Гир.
