Авионот со кој претседателот на Србија, Томислав Николиќ, утрово полета за Ватикан, принудно се вратил на белградскиот аеродром поради дефект на едниот мотор, а посетата на Светиот стол е откажана.
Неофицијално, моторот на авионот „фалкон“ престанал да работи над Јадранско Море. Леталото, кое се наоѓало на висина од 10.000 метри, почнално да паѓа околу два километри, но искусниот пилот успеал да ја врати контролата над авионот и да се врати во Белград.
Ова е последен од низата инциденти со владините авиони „фалкон“, кој е произведен во 1981 година, како и авионот „лир џет“ произведен во 1991 година.
Советничката на престедателот на Србија, Станислава Пак, потврди дека посетата на Ватикан е откажана сè додека не се утврди нов термин за нова посета.