Најмалку пет лица загинаа кога мал авион се урна на Малта, а спасувачите и понатаму трагаат по преживеани.
Информациите што првично се појавија во медиумите, дека станува збор за официјални лица на граничната агенција Фронтекс, се демантирани од официјални лица на Европската Унија.
Тоа го потврди и високата претставничка на ЕУ, Федерика Могерини, која на „Твитер“ наведе дека немало официјални лица на ЕУ во авионот и дека леталото никако не е поврзано со Унијата.
No #EU officials involved in plane crash in #Malta. The flight was not related to any of the EU activities
— Federica Mogherini (@FedericaMog) October 24, 2016
Авионот набргу по полетувањето ненадејно свртел десно и се урнал по што избувнал пожар.
Сите пет жртви се француски државјани.
Авионот од Малта требало да слета во Мисрата во Либија.
