Основачот на „Викиликс“, Џулијан Асанж, ќе ѝ се предаде на британската полиција доколку комисијата на ОН пресуди дека не е нелегално притворен.
Асанж веќе три години е во амбасадата на Еквадор во Лондон.
„Ако ОН утре објават дека сум го изгубил својот случај против Британија и Шведска, попладне ќе излезам од амбасадата и ќе прифатам британската полиција да ме уапси затоа што нема изгледи за понатамошни жалби кои би имале смисла“, наведе Асанж во соопштението.
Асанж истакна дека ако одлуката биде поинаква, очекува веднаш да му го вратат пасошот и да „сопрат обидите за апсење“.
ОН утре ќе објават дали ќе бараат ослободување на Асанж.
Асанж поднесе тужба до работните групи на ОН против Шведска, Велика Британија поради одлуката за арбитражен притвор, донесена во септември 2014 година.
