Помеѓу Иран и САД, Кина, Русија, Франција, Велика Британија и Германија во Лозана е постигнат политички рамковен договор за контроверзната иранска нуклеарна програма, кој е основна фаза на патот кон потпишувањето на конечниот договор најдоцна до 30 јуни.
Американскиот државен секретар, Џон Кери, на својот твитер-профил објави дека денеска е голем ден.
„ЕУ, групата 5+1 и Иран ги утврдија параметрите за решавање на основните прашања од нуклеарната програма. Наскоро ќе ја почнеме работата за постигнување конечен договор“, напиша Кери на „Твитер“.
Big day: #EU, P5+1, and #Iran now have parameters to resolve major issues on nuclear program. Back to work soon on a final deal.
— John Kerry (@JohnKerry) April 2, 2015
Генералниот секретар на Обидинетите нации, Бан Ки-мун, изјави дека со постигнатиот договор ќе се ограничи иранската нуклеарна програма и тоа ќе доведе до откажување на сите меѓународни санкции против Техеран.
„Едно сеопфатно, договорено решение на проблемот со иранската нуклеарна програма ќе придонесе за мирот и за стабилноста во регионот и ќе дозволи на сите земји итно да соработуваат во борбата со многу и сериозни предизвици за безбедноста, пред кои се исправени“, се вели во соопштението на Ки-мун.
Според договорот, капацитеот на Иран за збогатување на ураниумот не би требало да биде намален за две третини, а Техеран во замена би требало да постигне укинување на санкциите кои десет години ја задушуваат економијата на оваа земја.