Кениските безбедносни служби соопштија дека синоќа е завршена операцијата за ослободување на заложниците од Универзитетот „Гариса“ на истокот на Кенија, кој го нападнаа екстремистите на Ал Шабаб и наведоа дека би можело да има 150 мртви.
Како што соопштуваат властите, ослободени се десетици заложници, а четворица напаѓачи се убиени. Светските агенции јавуваат дека засега не се слушаат пукотници.
Според очевидци, група маскирани напаѓачи упаднале во студентскиот град пред зора и почнале да пукаат за време на молитва.
Некои студенти останале во своите соби, додека некои се обиделе да побегнат додека напаѓачите стрелале кон нив.
Според податоците на полицијата, од 2012 до 2014 година, во нападите на Ал Шабаб во Кенија загинале 312 лица. Во истиот период во Гариса се убиени 38 лица, а 149 се убиени.
