Жена од Северна Македонија која во понеделникот преживеа сообраќајна несреќа со смртни последици во Грција, во која учествувале три автомобили и стадо диви свињи, е отпуштена од Општата болница во Килкис (Кукуш), јави грчкиот портал eidisis.gr , предупредувајќи дека патиштата во Грција се опасни, особено во викендите, кога драстично е зголемен сообраќајот на патните правци ПАТЕ и Промахон-Килкис-Солун поради туристите на кои најчесто им се брза.
Во меѓувреме, во тек е прелиминарна истрага од страна на Сообраќајната полиција од Килкис за околностите на тројната сообраќајна несреќа кај Кукуш.
Според досегашните информации до несреќата дошло кога патролно возило управувано од 42-годишен полицаец со двајца негови колеги 44 и 36 години налетале на стадо диви свињи кое поминувало и тоа излетало од патот.
Потоа, возило управувано од 56-годишен странец, државјанин на Македонија со 50-годишна сопатничка, налетало на истото стадо и се превртело во соседната нива.
Следел уште еден судар со службеното возило при што 53-годишен локален возач и 48-годишен сопатник загинале.
