Согласно податоците од Институтот за јавно здравје, Министерството за здравство информира дека во последните 24 часа направени се 922 тестови, а регистрирани се 163 нови случаи на ковид-19. Од вкупниот број позитивни, регистрирани се 24 реинфекции.
Регистрирани сe 110 оздравени пациенти, а во текот на изминатите 24 часа не е пријавено ниту едно починато лице. Согласно Регистарот на умрени лица со дијагноза ковид-19 од „Мој Термин“ регистрирани се две починати лица од Скопје (68 г и 73г), починати во домашни услови во текот на претходните денови.
Досега во земјата се направени вкупно 2.081.796 тестирања на ковид-19. Вкупната бројка на ковид-дијагностицирани лица во нашата земја од почетокот на епидемијата изнесува 314.018, бројот на оздравени пациенти е 303.893, на починати е 9.325, а бројот на активни случаи изнесува 800.
