Малопродажните цени на нафтените деривати во однос на Одлуката од 12 октомври поскапуваат во просек за 1,23 отсто, соопшти денеска Регулаторната комисија за енергетика и водни услуги (РКЕ).
Малопродажните цени на бензините еуросупер БС-95 и еуросупер БС-98, како и на еуродизел (Д-Е V) и на екстра лесното масло за домаќинство (ЕЛ-1) се зголемуваат за 1 денар за литар.
Малопродажната цена на мазутот М-1 НС се зголемува за 0,249 денар/килограм и сега ќе изнесува 43,010 ден/кг.
Од 19.10.2021 година од 00:01 часот максималните цени на нафтените деривати ќе изнесуваат 76,50 денари за литар еуросупер БС-95, 78,50 денари за литар еуросупер БС-98, 68,50 денари за литар еуродизел (Д-Е V), а литар екстра лесно масло за домаќинство (ЕЛ-1) ќе чини 68 денари. Мазутот М-1 НС ќе чини 43,010 денари за килограм.
Во истиот период, курсот на денарот во однос на доларот е повисок за 0,164 отсто.
Од РКЕ напоменуваат дека трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.
