Министерот за информатичко општество и администрација, Дамјан Манчевски, денеска ќе се сретне со еврокомесарката Мариа Габриел во рамките на неговата работна посета на Софија, Бугарија.
На состанокот, како што информираат од МИОА, меѓу другото, ќе се разговара и за престојниот Дигитален самит што ќе се одржи во Скопје, на 18 и 19 април, оваа година.
„Поддршката од Бугарија како земја која претседава со Европската Унија, е од особено значење за Македонија“, се додава во соопштението.
