„Нема време за губење, итно е потребна нова влада, патот на Македонија кон Европската Унија е отворен“, твитна еврокомесарот за проширување и за добрососедска политика, Јоханес Хан, соопштувајќи дека почнал со разговорите со лидерите и со претставниците на парламентарните политички партии.
„Почнаа разговорите во Скопје. Итно е потребна нова влада за реформи. Нема време за губење“, напиша Хан на „Твитер“.
#Skopje talks start, w @ivajgl @EduardKukan @knufleckenstein. Need new government urgently f reforms. No time 2 lose! pic.twitter.com/oByc4XRYvr
— Johannes Hahn (@JHahnEU) March 21, 2017
Во друг твит тој нагласува дека „патот кон ЕУ е отворен за Скопје по последниот состанок на Советот на Европската Унија, но часовникот отчукува“, и додава: „Потребно е државништво наместо тактики. Економијата страда“.
#EU path open f #Skopje aft last @EUCouncil but clock ticking. Need statesmanship instead of tactics. Economy hurting pic.twitter.com/qdvmnCIU6Y
— Johannes Hahn (@JHahnEU) March 21, 2017
Во моментов Хан е на средба со лидерот на Беса, Билал Касами.