Турската полиција привела 118 лица, во претреси во земјата против функционери на прокурдската Народна демократска партија (ХДП), која е обвинета за поврзаност со милитантите на Курдската работничка партија (ПКК), јавуваат агенциите.
Операцијата за апсење на партиските функционери почнала вчера откако разгранок на ПКК ја презеде одговорноста за двојниот бомбашки напад, во кој пред стадион во Истанбул загинаа 38 лица, а 155 беа ранети.
Неколку часа подоцна, турски борбени авиони гаѓале цели на ПКК во Северен Ирак, каде го уништиле нивниот штаб, борбените позиции и засолништата, соопштила турската војска.
Околу 500 полицајци, со поддршка од оклопни возила и од хеликоптери, ја почнале операцијата во градот Адана на југот на Турција, и привела 25 припадници на ХДП.
Во друга одвоена акција во Истанбул, антитерористичките единици привеле 20 функционери на партијата и извршиле претреси во повеќе објекти, вклучувајќи го и седиштето на партијата.
Во Анкара биле проведени 17 припадници на партијата, додека уште 51 лице биле уапсени во јужниот град Мерсин, а пет во северната провинција Манис.
