Ерменските сили го прекршиле договорот за прекин на огнот во спорниот регион Нагорно-Карабах вкупно 119 пати во последните 24 часа, соопшти денеска министерството за одбрана на Азербејџан.
Позициите на азербејџанските сили долж границата и во Нагорно-Карабах биле ракетирани, наведува министерството.
Судирите меѓу ерменските и азербејџанските сили во Нагорно-Карабах повторно избија на 2 април, но министерствата за одбрана на двете земји пред два дена објавија прекин на огнот во спорниот регион.