На митингот на претендентот за републиканска кандидатура за претседател на САД, Доналд Трамп, во Њујорк, забележани се неколку инциденти, а неговите приврзаници и противници се степале, соопшти полицијата.
Полицискиот комесар на округот Насау, Томас Крамптер, рече дека на собирот се уапсени две лица што се степале.
Исто така, шест лица се хоспитализирани, а седум добиле помош на местото на настанот поради несвестица и дехидрираност.
Крамптер навел дека „неколку стотини“ полицајци биле на местото на митингот и оти настанот ја чинел полициската единица меѓу 300.000 и 400.000 долари.