Издавачката куќа „Ирис“ од Струга го издаде романот „Последната приказна“, од дебитантката Ели Радеска. Романот може да го најдете во книжарниците на „Три“ и на „Табернакул“.
Книгата е посветена на нејзината баба и, како што самата авторка кажува, инспирирана е од раскажувањата на еден од нејзините идоли, големиот Петре М. Андреевски.
-Чувствував како и јас да растам и созревам пишувајќи ја книгата и тоа ме радува и исполнува – рече Радеска, додавајќи дека нема подобар начин од пишаниот збор за нечие име да остане запаметено.
