Педесетина жени-домаќинки од сите краишна на Република Македонија, на „Женска Плажа” во Струга ги покажаа своите вештини во подготвување на повеќе традиционални македонски специјалитети.
Манифестацијата се одржа во организација на концесионерите на „Женска Плажа” – Руса и Боро Симјаноски, а средствата кои беа собрани од продажбата на специјалитетите беа наменети за деца со посебни потреби.
Од трибината на оваа хуманитарна манифестација жените -учеснички ја изразија поддршката за натамошно опстојување на „Женска Плажа” во прекрасниот амбиент на брегот на Охридското Езеро, како место за забава и рекреација, но и погодно катче за организирање на вакви и слични манифестации.
