Според досега пристигнатите пријави, на традиционалниот Охридски пливачки маратон, ќе учествуваат 24 маратонци – 12 мажи и уште толку жени од Македонија, Аргентина, Италија, Венецуела, Бразил, Бугарија, Канада, Германија, Хрватска, Русија и Шпанија.
Маратонот се одржи на 29. август на патеката „ Климе Савин“ , од манастирскиот комплекс „ Св. Наум“ до градското пристаниште во Охрид, во должина од 30 километри.
На ова големо натпреварување, на која ќе учествува светската маратонска елита, на освојување на високи места претендираат и македонските пливачи Томи Стефаноски и Евгениј Поп Арсов.
Организаторите на годинашниов, 29 – ти по ред маратон, Меѓународната пливачка федерација-ФИНА, Македонската пливачка федерација, Општина Охрид и Капетанијата на пристаништата, велат дека финишираат подготовките за најголемиот меѓународен пливачки настан што се случува во Република Македонија.