Владата вечерва ќе одржи вонредна седница, по автобуската несреќа што попладнево се случи на автопатот Скопје – Тетово околу 17 часот, кога животот го загубија 13 лица, над 30 се повредени, а осуммина се во животна опасност.
Министрите во Владата ќе ги договорат понатамошните чекори што ќе бидат преземени со цел да се расчисти случајот, а се очекува утрешниот ден да биде прогласен за ден на жалост.
Седницата е закажана за 22.30 часот.
Владата на Република Северна Македонија вечерва во 22:30 часот ќе одржи вонредна седница по повод тешката сообраќајна несреќа која се случи на патниот правец Скопје – Тетово.
Премиерот Зоран Заев во текот на утрешниот ден ќе ги посети повредените кои се наоѓаат во болницата.
— Влада на Р. Северна Македонија (@VladaMK) February 13, 2019