Талибанските бунтовници во Авганистан извеле координирани напади во градот Кундуз, на североистокот на земјата, соопштија денеска авганистанските власти.
Локалните власти наведоа дека талибанците утринава го нападнале Кундуз од повеќе правци и оти авганистанската војска возвратила на нападот и успеала да ги потисне бунтовничките сили.
Како што изјавуваат полициски извори од Кундуз, на периферијата на градот се водат жестоки борби меѓу талибанците и полицијата, а портпаролот на талибанците, Забихулах Муџахид, рече дека неговите борци зазеле неколку контролни пунктови во градот.