Времето денеска ќе биде претежно облачно и посвежо со врнежи од дожд со послаб интензитет, а во западните и во јужните делови од земјава повремено со умерен интензитет. На повисоките планини можни се и повремени врнежи од снег.
Утринската температура ќе се движи од минус 1 до 7 Целзиусови степени, а максималната од 13 до 19 степени.
Во Скопје и во околината ќе биде претежно облачно со повремен дожд, почест во попладневните часови. Ќе дува слаб до умерен југоисточен ветер. Температурата ќе се движи од 2 до 18 Целзиусови степени.
Во периодот потоа ќе биде променливо облачно со повремени врнежи од дожд. Во вторник и в среда во попладневните часови, пред сè на запад, ќе има услови и за појава на ретки грмежи. Од четврток ќе почне да дува северен ветер кој особено ќе засилува в петок. В петок врнежите ќе завршуваат, а тогаш поради спуштање на температурата се очекува појава на слаб снег на врвовите и на пониските планини.