!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Данкан: 67 од 120 е јасно мнозинство, Иванов треба да ја преиспита одлуката


       
Лондон, 3 март, 2017 - 17:20 (META) 

Со порака претседателот на Република Македонија, Ѓорге Иванов, да ја преиспита својата одлука да не му го додели мандатот на Зоран Заев, се огласи и британскиот министер за Европа, сер Алан Данкан.

„67 новоизбрани пратеници кои претставуваат различни заедници во Македонија побараа да формираат влада. 67 од 120 е јасно мнозинство. Претседателот Иванов треба да си ја преиспита одлуката“, е пораката од Данкан објавена на веб-страницата на британската канцеларија за надворешни работи.

Алан Данкан беше во Скопје од 22 до 24 февруари, кога се сретна со политичките лидери и со претседателот Иванов, при што ги поттикна водачите кон напори за формирање влада и за ставање крај на политичката криза. Истовремено, тој ја нагласи потребата од напредок во процесот на реформи.