Долното течение на реката Вардар кое минува низ Демиркаписката клисура стана дел од проектот „Заедно за реките“ – регионална иницијатива на светската организација за заштита на природата The Nature Conservancy и шест граѓански организации од балканските земји, меѓу кои и „Еко Свест“. Повеќе за иницијативата и искуствата на балканските земји во заштитата на реките ќе дознаете во вечерашната епизода на „Шорткат“.
Во новите вести за млади информираме и за протестот во Струмица против отворање на рудник за злато и бакар на планината Огражден, како и за сместувањето во студентските домови за следната учебна година.
Ја носиме и веста за новиот четбот достапен во нашата земја.
„Шорткат“ доаѓа вечерва во 19 часот на нашите канали на социјалните мрежи Инстаграм, ТикТок, Јутјуб и Фејсбук.