Претседателот на Социјалдемократскиот сојуз, Зоран Заев, партискиот генерален секретар Оливер Спасовски и претседателката на Форумот на жени на СДСМ, Цветанка Ласкова, денеска се сретнаа со Соња Локар, извршна директорка на мрежата на Централноевропската иницијатива за родови прашања и со учесничките на Втората регионална конференција на претседателките и претставничките на Форумите на жени на СДП која се одржува во Скопје.
Заев подетално ги објаснил последните политички случувања во Македонија и ветил дека опозицијата ќе ги употреби сите демократски механизми што ги има на располагање за да ја нормализира државата.
„Рамноправноста и родовата еднаквост се принципи за кои СДСМ се залага и вклученоста на жените во процесот на враќањето на слободата и на демократијата е од голема важност“, изјавил Заев.
