Изминатите 24 часа биле регистрирани 277 нови случаи на заболени од Ковид 19 од 2635 тестови и 14 починати лица, информира министерството за здравство според податоците добиени од Институтот за јавно здравје. Новите случаи на заболени се регистрирани во Скопје – 141, Прилеп – 23, Битола – 20, Куманово – 17, Кавадарци – 14, Велес и Охрид – по 9, Кичево и Струмица – по 7, Гостивар, Крива Паланка и Струга – по 4, Гевгелија – 3, Богданци, Кочани, Неготино, Ресен и Тетово – по 2, Валандово, Дебар, Кратово, Крушево и Штип по еден заболен. Од нив во 44 случаи се работи за реинфекции.
Во последното деноноќие регистрирани сe и 132 оздравени пациенти од Куманово – 16, Прилеп – 15, Битола – 14, Охрид – 13, Скопје – 11, Велес – 10, Струга – 8, Кавадарци и Ресен – по 6, Дебар и Демир Хисар – по 5, Гевгелија – 4, Тетово, Гостивар, Штип и Неготино – по 3, Кичево – 2, Кочани, Радовиш, Крива Паланка, Берово и Пехчево – по еден.
Во текот на изминатите 24 часа, регистрирани се 8 починати лица, пет од Скопје (60г, 79г, 80г, 84г и 86г) и по едно починато лице од Кичево (69г), Неготино (68г), и Струмица (80г), а дополнително се пријавени шест починати лица од Тетово, Велес, Скопје, Куманово и Гостивар од периодот од 28.02. до 03.03.2022 година.
Досега во земјата се направени вкупно 1.920.186 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 301.293, бројот на оздравени пациенти е 289.978, на починати е 9.137, а бројот на активни случаи изнесува 2.178.