Врховниот суд во Грција вчера пресуди дека владата треба да ја укине одлуката за намалување на пензиите во приватниот сектор од 2012 година, која била донесена во рамки на мерките за штедење договорени со меѓународните доверители.
Одлуката е спротивна на грчкиот закон и на Европската конвенција за човекови права затоа што ги лиши пензионерите од правото за пристоен живот, заклучил судот. Сепак, пресудата не се однесува за јавниот сектор.
Левичарската влада на премиерот Алексис Ципрас вети дека ќе ревидира некои од намалувањата на платите и на пензиите за да ги ублажи мерките за штедење.
