Времето денеска претпладне во Македонија ќе биде претежно сончево, а во попладневните часови ќе има мала до умерена облачност. Ќе дува ветер од северозападен правец.
Утринската температура ќе се движи од 1 до 9 Целзиусови степени, а дневната од 18 до 25 степени.
Во Скопје и во околината се очекува слично време, претежно сончево, со слаб до умерен северозападен ветер. Утринската температура ќе се спушти до 5 Целзиусови степени, а дневната ќе се искачи до 23 степени.
Во наредните денови ќе преовладува сончево време со мала до умерена локална облачност. Утрата ќе бидат доста свежи, наместа се очекува утринската температурата да се спушти до нула, особено во Беровскиот Регион, а преку денот температурата постепено ќе се зголемува.
